Pages

Friday, 22 March 2019

पाणी वाचवा - जीवन वाचवा! (Save Water - Save Life!) RDHSir Poetry

२२ मार्च - जागतिक जल दिन (International Water Day) निमित्त राजेश डी. हजारे 'आरडीएच' ची चित्रकविता पाणी वाचवा - जीवन वाचवा

प्रस्तावना: सदर कवितेत काखेत कळसी घेऊन पाण्याला जाणाऱ्या चित्रातील चिमुरडीचे मनोगत व्यक्त केले आहे.
========================
कवितेचे शिर्षक: पाणी वाचवा - जीवन वाचवा
कवी: राजेश डी. हजारे 'आरडीएच'

एक म्हण आहे भारतात
"काखेत कळसा गावाला वळसा!"
तशी ती म्हण म्हणजे नकारार्थीच...
पण आम्ही जगतो ती म्हण...
होय! मी चालते काखेत कळसा घेऊन...
कळसा म्हणा वा कळसी...
काय फरक पडतोय?
मी चालते अनवाणी...
फिरते गावभर... करते पायपीट...
भटकत असते सकाळ-सायंकाळ
फक्त पाण्यासाठी... होय पाण्यासाठीच!
मी! अन् माझ्यासारख्या कितीतरी
शाळकरी मुली... 
या खेळण्या-बागडण्याच्या वयात
करत असतो पायपीट... 
फक्त पाण्यासाठी...
कधी टंबरेल, कधी बकेट, तर कधी कळसी घेऊन
जसे झेपेल तसे...
शाळेचे गुरूजी म्हणतात-
'मुलींनी शिकायलाच हवे'
पण आई म्हणते-
'आधी पाणी मग शाळा'
कारण घरात पाणी नसेल
तर प्यायचे काय? अन् खायचे काय?
पाणी तर लागणारच...
ओss सिटीतले काका
आमच्या गावात पाणी येत नाही; असं नाही बरं का?
येतं ना पाणी... टँकरने... दोन-तीन दिवसाआड...
कधी पाणी मिळतं... तर कधी डोकं फुटतं... 
पाणी भरायच्या भांडणात...
अन् फिरावं लागतं माघारी... पाण्याविणाच!
अन् मग... पुन्हा सुरु होते... अनवाणी पायपीट... पाण्यासाठी...
गावभर...घरापासून शेतापर्यंत... तर कधी परगावच्या वेशीपर्यंत...
अन् जेव्हा मिळत नाही पाणी कुठेही...
तेव्हा मलाही आपलंसं वाटतं एक मराठी गाणं...
अन् वाटतं जणू आम्हालाच विचारलय-
"गढूळाचं पाणी, कशाला ढवळीलं?"
पण तुम्हाला काय ठाऊक?
की तेच गढूळाचं पाणी भागवतं...
आम्हा दुष्काळग्रस्तांची तहान...
पुढचा टँकर येईपर्यंत... किंवा पडेपर्यंत... पुढचा पाऊस...
पण तुम्हा शहरवाल्यांचं मस्त हाय बुवा...
कारण घरात येतं ना नळाला पाणी... अगदी चोवीस ताssस...
अन् म्हणूनच... तुम्हाला नाही कळणार...
आमची भटकंती... कळसीभर पाण्यासाठी...
पण एक मात्र नक्की सांगेन
लहान तोंडी मोठा घास घेऊन... तोही पाण्याविना...
कारण आम्हाला सवयच झालीय हल्ली
पाण्याविना अन्न गिळण्याची
तर मी काय म्हणत होते-
ह्म्म... तुम्ही किती नासाडी करता पाण्याची? होय तुम्हीच?
तोंड धुताना, कपडे धुताना, स्नान करताना, भांडी घासताना,
इतकच काय स्वयंपाक करताना सुद्धा!
किती पाणी व्यर्थ घालवता तुम्ही?
हे जरा थांबवा आता...
कारण आमच्या नशीबातली
पाण्यासाठी भटकंती केव्हा संपणार?
व माझ्या काखेतली कळसी केव्हा जाणार... हे तर देवच जाणो...
पण तुम्हा शहरवाल्यांना नाही झेपणार
अन् त्याहून महत्त्वाचं म्हणजे-
तुमच्या स्टेटस ला नाही शोभणार
काखेत कळसी घेऊन पाण्यासाठी भटकंती...
अन्यथा अजून एक म्हण तयार करावी लागेल-
"काखेत कळसा शहराला वळसा"
म्हणून म्हणते... पाणी काटकसरीने वापरा...
आमचं तर ठीक आहे
तशी आम्हाला सवयच झालीय आता
काखेत कळसा घेऊन गावाला वळसा घालत
पाण्याविना जीवन जगण्याची...
होय जीवन जगण्याची!
कारण अजून एक म्हण आहे ना-
"पाणी म्हणजेच जीवन"
मग हे 'जीवन' जगण्यासाठी 'जीवन' तर लागणारच
तुम्हालाही व आम्हालाही...
म्हणून शेवटी एकच सांगते-
"पाणी वाचवा-जीवन वाचवा!!"

कवी: राजेश डी. हजारे 'आरडीएच'
पत्ता: घर क्र. १३८९, श्री कॉलोनी,
सरस्वती विद्यालयाच्या मागे, बनगाव (आमगाव)
ता. आमगाव जि. गोंदिया -४४१९०२
भ्र.क्र.: ०७५८८८८७४०१
निमित्त: शब्दविद्या आयोजित महाकाव्यस्पर्धेची चित्रकाव्य फेरी
रचना दिनांक: ०५ ऑगष्ट २०१७/रविवार/११.५२ रात्री (जागतिक मैत्री दिन)
प्रथम प्रसिद्धी: व्हाट्सअप व फेसबुक
पुनःप्रसिद्धी: 
१)जागतिक जल दिन २२-२३ मार्च २०१८
२)जागतिक जल दिन २२ मार्च २०१९

Tuesday, 1 January 2019

My Resolutions for the year 2019..!!

Happy New Year 2019

नववर्ष
कवी: राजेश डी. हजारे (आरडीएच)

निरोप देऊ सरत्या वर्षाला, स्वागत करुया नववर्षाचे
जुन्या आठवणी विसरून जाऊ, दिवस आले आनंदाचे
कालचा सूर्य मावळतांना गेला जुने वर्ष घेऊन
आज सूर्य उगवतांना मन भरून आले त्याला पाहून
या नववर्षात शेतकऱ्यांना भरपूर धान्य होवो
आणि एकदा भारतात पुन्हा,समाजक्रांती घडून येवो
याही वर्षी चर्चेत राहो, भारताची शेती, क्रांती, राजनीती
भारताला विकसित करण्यासाठी, नववर्षात वापरूया नवी नीती
खेळ, शोध, विज्ञान, क्रांतीत, भारताला प्रगत करू
सर्व क्षेत्रात विजय मिळवून, भारताचे नाव उंच करु
नववर्षात भारतात, सुख समृद्धी लाभो ही करतो ईच्छा
आणि शेवटी नववर्षाच्या, देतो मी सर्वांना शुभेच्छा!!!

आपण सर्वांना नववर्षाच्या हार्दिक शुभेच्छा...

कवी: राजेश डी. हजारे (आरडीएच)
www.rdhsir.com
मूळ रचना: ०१ जानेवारी २००८

This post will be updated soon...! Please have a pqtience and visit again. Thanks

नववर्ष..! कवी: राजेश डी. हजारे (आरडीएच)

नववर्ष
कवी: राजेश डी. हजारे (आरडीएच)

निरोप देऊ सरत्या वर्षाला, स्वागत करुया नववर्षाचे
जुन्या आठवणी विसरून जाऊ, दिवस आले आनंदाचे
कालचा सूर्य मावळतांना गेला जुने वर्ष घेऊन
आज सूर्य उगवतांना मन भरून आले त्याला पाहून
या नववर्षात शेतकऱ्यांना भरपूर धान्य होवो
आणि एकदा भारतात पुन्हा,समाजक्रांती घडून येवो
याही वर्षी चर्चेत राहो, भारताची शेती, क्रांती, राजनीती
भारताला विकसित करण्यासाठी, नववर्षात वापरूया नवी नीती
खेळ, शोध, विज्ञान, क्रांतीत, भारताला प्रगत करू
सर्व क्षेत्रात विजय मिळवून, भारताचे नाव उंच करु
नववर्षात भारतात, सुख समृद्धी लाभो ही करतो ईच्छा
आणि शेवटी नववर्षाच्या, देतो मी सर्वांना शुभेच्छा!!!

आपण सर्वांना नववर्षाच्या हार्दिक शुभेच्छा...

कवी: राजेश डी. हजारे (आरडीएच)
www.rdhsir.com
मूळ रचना: ०१ जानेवारी २००८

Monday, 31 December 2018

A Glance at Year 2018 in Flashback..!!

The year 2018 is going to an end. It will never return again. We are lucky enough to witness this year. Today, before welcoming the new year 2019, Let's say Good Bye to the year 2018. I would like to thank 2018 for giving some happy memories. When I look in the flashback, I remember some memories of life from the calendar of 2018. Let me share those happy moments together with you...!  




I remember we had celebrated the first day of 2018 with Pani Puri party and dance in our school.  Our school had organized Bal Anand Mela in an annual function on 10th February 2018. After Bal Anand Mela we faced a storm in our nearby locations on the next day 11 February 2018.  



I met my junior college friends on the 18th Feb 2018 in 2 marriage functions... one of my friends Mukesh and Deepti and another marriage of my friend Rahul Girhepunje's sister.  Here are some glimpses


Image 3: Ravi, Ishwar Mendhe, Rajesh Hajare and Rahul Girhepunje
Image 4: Durgesh Kurve, Arun Shivanar, Rajesh Hajare, Niraj Chute and Rahul Girhepunje




  • NOTE: This post is under updation and it will be updated soon...! Please have a patience and visit this page again. Thanks!

Monday, 24 December 2018

आई म्हणजे... आई... मां (कवी: राजेश डी. हजारे) - RDH Sir's 3 poems on Mother

आज दि. २४ डिसेंबर २०१८ रोजी माझी आई सौ. रुक्मिणी डी. हजारे च्या ५१ व्या वाढदिवसानिमित्त मी राजेश डी. हजारे (आरडीएच) द्वारा लिखित कविता:

आई म्हणजे
कवी: राजेश डी. हजारे (आरडीएच)

आई म्हणजे ज्ञानज्योती
आयुष्याची पहिली प्रीती

आई म्हणजे पहिला उच्चार
आई म्हणजेच आयुष्याचा सार

आई म्हणजे प्रथम गुरु
आई साक्षात कल्पतरु

आई म्हणजे अंगाई गीत
सप्तस्वरांकीत मधुर संगीत

आई म्हणजे वात्सल्याचा झरा
तप्त उन्हात मंद गार वारा

आई म्हणजे माया
आई शीतल छाया

आई म्हणजे वात्सल्य
आई विश्वाचे मांगल्य

आई म्हणजे 'रुक्मिणी'
'आरडीएच'ची आई म्हणजे 'रुक्मिणी'
प्रकाशमान सौदामिनी

आई म्हणजे कळा आणि वेदना
आई म्हणजे सकल संवेदना

आई म्हणजे दुसरा जन्म
आई म्हणजे आयुष्याचे मर्म

आई म्हणजे अलंकारिक कविता
निरंतर वाहणारी सरिता

आई म्हणजे आत्मा अन् ईश्वर
आईपुढे सर्व काही नश्वर

आई म्हणजे फक्त आई
आईला जगात उपमा नाही

कवी- ©राजेश डी. हजारे (आरडीएच)
('गोँदिया जिल्हाध्यक्ष-अखिल भारतीय मराठी साहित्य परिषद, पुणे')
सादरीकरण: राजेश डी हजारे (आर.डी.एच.) प्रेरणा मित्र परिवार आयोजित
सालेकसा महोत्सव २०१७ च्या कवि संमेलन मध्ये
"आई म्हणजे..." ही स्वरचित कविता सादर करताना...
  • रचना: ०२ एप्रिल २०१७ रविवार, दुपारी १.३० (आमगाव)
  • © सर्वाधिकार सुरक्षित 


आई
कवी: राजेश डी. हजारे (आरडीएच)

पहिली ज्ञानज्योती आई
पहिले प्रेम अन् प्रीती आई

प्रथम उच्चार आई
आयुष्याचा सार आई

पहिली माझी गुरु आई
साक्षात कल्पतरु आई

ओव्या अन् अंगाई गीत आई
सप्तस्वरांकीत संगीत आई

वात्सल्याचा झरा आई
मंद गार वारा आई

प्रांजळ माया आई
शीतल छाया आई

आयुष्याचे वात्सल्य आई
विश्वाचे मांगल्य आई

'आरडीएच' ची 'रुक्मिणी' आई
प्रकाशमान सौदामिनी आई

कळा आणि वेदना आई
सकल संवेदना आई

दुसरा जन्म आई
जीवनाचे मर्म आई

श्रूंगारिक कविता आई
वाहणारी सरिता आई

आत्मा अन् ईश्वर आई
तुझ्यापुढे सर्व नश्वर आई

आई म्हणजे फक्त आई
आईला जगात उपमा नाही
कवी- ©राजेश डी. हजारे (आरडीएच)

  • सहभाग: शब्दविद्या महाकाव्यस्पर्धा फेरी क्र.: ०३ ('आई' या विषयावर कविता) १३ ऑगष्ट २०१७रचना: ०२ एप्रिल २०१७ रविवार, दुपारी २.२७ (आमगाव)
  • © सर्वाधिकार सुरक्षित 



मां 
(कवी- राजेश डी. हजारे ‘आरडीएच’)

मां तो जग मे मां होती है
जिसकी कोई ना सीमा होती है
मां तो जग मे मां होती है

इन्सान जीवन मे खुशियाँ मनाता
पर क्यूं एक बात वो भूल जाता
जीवन मे हर ख़ुशी मां देती है

मां तो ममता का सागर है
मां प्यार का समुंदर है
मां बिन जिंदगी सुनी होती है

प्यार की तो मुरत है मां
संसार के सभी तीरथ है मां
मां तो सच मे देवता होती है
कवी- ©राजेश डी. हजारे (आरडीएच)

  • सादरीकरण: मां - दमयंतीताई देशमुख अध्यापक विद्यालय, रामटेक (२०१०)
  • रचना: १६ फेब्रूवारी२०१० मंगलवार (रामटेक.)
  • © सर्वाधिकार सुरक्षित 

संपूर्ण पत्ता: घर क्र. १३८९, श्री कॉलोनी, सरस्वती विद्यालयाच्या मागे, 
बनगाव (आमगाव) ता. आमगाव जि. गोंदिया- ४४१९०२
भ्रमणध्वनी क्र.- ७५८८८८७४०१
विरोप पत्ता (ईमेल): contact@rdhsir.com
संकेतस्थळ: www.rdhsir.com


Monday, 27 August 2018

रक्षाबंधनानिमित्त...!!! (RakshaBandhan by RDHSir)

रक्षाबंधनानिमित्त...!!!
-लेखक: राजेश डी. हजारे 'आरडीएच'


मला बहिण नाही...
पण जिला मी मानतो;
तिच्यापुढे सारे काही फिके आहे.
मात्र ती मला भाऊ मानत नाही.
आयुष्यात सगळे काही मिळू शकते,
पण बहिण नसेल तर त्याला काहीच अर्थ नाही.
दु:ख, वेदना, तक्रारी या सगळ्यात
बहिणच खंबीरपणे पाठिशी उभी राहते.
बहिणीच्या प्रेमापुढे सगळे झुट आहे.
म्हणूनच मी म्हणतो,
तुम्हाला बहिण असेल
तर तिच्यावर प्रेम करा... तिचा मान राखा.

-©राजेश डी. हजारे 'आरडीएच'

जसं उन्हाळ्याच्या कडक ऊन्हात पादत्राणांशिवाय रेतीवर चालणं अवघड आहे; त्याहीपेक्षा... जीवनात ताईविणा जीवन जगणं असह्य (अवघड) आहे.


-©राजेश डी. हजारे 'आरडीएच'

कोंबड्याच्या आरवल्याशिवाय सकाळ व्यर्थ आहे;
सोनेरी प्रकाशाविणा सूर्य अपूर्ण आहे; तसंच...
भावाचं जीवन ताईविना अधूरं आहे.

-©राजेश डी. हजारे 'आरडीएच'

आकाशाला अंत नाही तसेच;
बहिण-भावाच्या नात्याला अंत नाही.
-©राजेश डी. हजारे 'आरडीएच'

कडू आठवणीत आठव मला
भावाची उणीव भासल्यास आठव मला
माझ्या वाट्याचे आनंद ठेव तूझ्याकडे
तुझे दु:ख असतील तर ते पाठव मला...
-©राजेश डी. हजारे 'आरडीएच'

ऐक ऐक गं ताई तू
तुला काय मी सांगतो
बहिणीच्या सुखासाठी
हा भाऊ अश्रू मांडतो
-©राजेश डी. हजारे 'आरडीएच'


अंत्यंत नाजूक अशी ही वेळ आहे
बहिणभावात वैमनस्य निर्माण करण्याचा
कोणीतरी खेळतो खेळ आहे
चुकुनही होऊ द्यायचा नाही, आपापसात भेद
मग तो असो जनार्दन जसवंत जॉन किंवा जावेद
प्रत्येक हाताला बांधायची आहे राखी
कुणाचेही मनगट राहू नये बाकी
एकसूत्रात बांधा संपूर्ण भारत देश
रक्षाबंधनाचा ताई तूज हाच खरा संदेश

-©राजेश डी. हजारे 'आरडीएच'

आजारीपणाशिवाय आरोग्याचे महत्त्व कळत नाही; तसेच
बहिण नसल्याशिवाय बहिणीचे महत्त्व कळत नाही. 

-©राजेश डी. हजारे 'आरडीएच'


दोन दिवस वाट पाहण्यात गेले
दोन रडण्यात गेले
आजही मोजतो आहे
किती राहिलेत अश्रू माझ्या नयनी
माझी ताई तर माझ्या जीवनी
येऊन परतूनही गेली
मला काही कळलेच नाही
केव्हा हृदय तिच्यासाठी कासाविस झाले
-©राजेश डी. हजारे 'आरडीएच'


"रक्षाबंधनाचा पवित्र भाऊ-बहिणीचा सण साजरा करणे कदाचित आमच्यासारख्या विना सख्ख्या बहिणीच्या भावाच्या नशिबातच नसावा..!"

-©राजेश डी. हजारे 'आरडीएच'


बहन की किमत वो क्या जाने
जिसे कहियों बहने होते हैं।
बहन की किमत तो हम जैसो से पुछो
जो बहन पाने के लिये रात दिन रोते है॥
-©राजेश डी. हजारे 'आरडीएच'
सच कहा था यह
मेरे दिल ने मुझे 'RDH'
ज़िंदगी न जी सके इंसान
अग़र उसे बहना न हो
-©राजेश डी. हजारे 'आरडीएच'

दिल गुमसूम जुबान खामोश
ये आँखे आज नम क्यूँ हैं?
ये 'राजू' तूने कभी बहन पाया ही नहीं
तो उससे जूदाई का ग़म क्यूँ हैं?
-©राजेश डी. हजारे 'आरडीएच'

If you have a sister
Treasure her with care
You won't miss her
Until you see her vaccant chair.
-©'Rajesh  D. Hajare 'RDH'

एकच आहे बहिण मजला
उद्याही एकच राहील
विसरुनी तीला
कसा हा 'राजेश'
दुसरी ताई पाहील?
न होईल शक्य
जरी आलं तरी
मरण या भावाला...
-©राजेश डी. हजारे 'आरडीएच'

सदा गं जीवनी
तू हसती राहो
अल्लाह तुला
सदा सुखातच ठेवो
हिच प्रार्थना
ईश्वरचरणी देवाला...

पुर्‌या हो ताई
सर्व तुझ्या ईच्छा
रक्षाबंधनाच्या
तुला गं हार्दिक शुभेच्छा
भिडू दे ताई
नाव तूझं या गगनाला...
-©राजेश डी. हजारे 'आरडीएच'

Wishing you a very-very...

HAPPY~RAKSHABANDHAN..!!!



  • स्त्रोत: 


  1. RDHSir | Facebook Post
  2. Happy Rakshabandhan
  3. भाऊबीजेच्या हार्दिक शुभेच्छा 
  • #संदर्भ:- "माझी ताई : एक आठवण" या राजेश डी. हजारे 'आरडीएच' द्वारा लिखित आत्मकथनपर कादंबरी तून साभार
  • #आंतरजाल (Internet) वर पूर्वप्रकाशित (02 ऑग. 2012 व ऑग. 2013)
  • पुनःप्रसिद्ध: 27   ऑग. 2018 (संकेतस्थळ)

Sunday, 26 August 2018

बंधु प्रेमाची बाग फुलली (Rakhi poem by RDH Sir)

 बंधु प्रेमाची बाग फुलली 
 कवी: राजेश डी. हजारे 'आरडीएच' 

बंधू प्रेमाची बाग फुलली
बागेत झुलताना तहान भूक भुलली ।।धृ.।।

ताई बांधी, रेशमी बंध
भावा बांधी रक्षाबंध
राखीचा घेऊ, या रे गंध
आज प्रेमाची, कळा फुलली ।।१।।

भाऊ बहिणीस, नेसी नऊवारी
बहिण भावाचे, गोड तोंड करी
आज दोघांचा, दिवस भारी
रक्षा बंधात, दोघे झुलली ।।२।।

रेशमी बंध, बांधूनी घ्या रे
मोठ्या मनाने, रक्षा करा रे
आनंदाचा, दिवस हा रे
हास्य फुले ही, उमलली ।।३।।

बंधू प्रेमाची बाग फुलली
बागेत झुलताना तहान भूक भुलली

कवी: © राजेश डी. हजारे 'आरडीएच'
आमगांव जि. गोंदियाभ्र. क्र.: ०७५८८८८७४०१
संकेतस्थळ: www.rdhsir.com
मूळ कविता: २३ ऑगष्ट २०१०, सोमवार
 आपण सर्वांना रक्षाबंधनाच्या हार्दिक शुभेच्छा...! 

राखी (Rakhi) (RDHSir की हिंदी रचना)

आज रक्षाबंधन के पावन अवसर पर मेरे द्वारा दसवी कक्षा में पढ़ते वक्त ९ अगस्त २००६ को लिखी हुई १२ साल पुरानी रचना पेश हैं।
 राखी 
 रचनाकार: राजेश डी. हजारे 'आरडीएच'  
  
आया रे आया राखी का त्योहार आया
आया रे आया, भाई-बहन का प्यार उबर आया

लाया रे लाया, आँखों में आँसू लाया
भगवान ने सभी को बहना क्यों नहीं दिया

दिया रे दिया, राखी को दूसरा नाम दिया
राखी का दूसरा नाम रक्षाबंधन कहलाया

राखी का धागा रेशम का बनाया
रेशम का धागा बड़ा कहलाया

बहना ने भाई की कलाही पे राखी बाँध दिया
राखी पे लिखा था 'मेरे भैया'

दिया रे दिया, बहना ने राखी भेज दिया
राखी के साथ थी, ढेर सारी खुशियाँ

रचनाकार: © राजेश डी. हजारे 'आरडीएच'
आमगांव जि. गोंदिया
  • रचना की तारीख: ०९ अगस्त २००६, बुधवार (कक्षा दसवी)
  • (यह मेरी हिंदी में दुसरी ही रचना है। अतः बचपन में लिखी इस रचना में कुछ कमिया हो सकती है। कृपया स्वीकार करे।)

।।आप सभी को रक्षाबंधन के पावन अवसर पर ढेर सारी शुभकामनाएं।।

शेतीवर कविता (कवी राजेश डी. हजारे 'आरडीएच') (Shetiwar Kavita)

शेतीवर कविता

कवी: राजेश डी. हजारे 'आरडीएच'


शेतीवर कविता लिहीन म्हणतो
पण शब्द काही सुचत नाही
एक बाप राब-राब राबतो शेतात
पण काळं कुत्रं ही त्याला पुसत नाही


प्रत्येकजण आपल्याच कामात व्यस्त आहे
दोन वेळ खाऊन-पिऊन मस्त आहे
तरी का मग शेतकरी फस्त आहे?
की शेतकऱ्याची जिंदगी स्वस्त आहे?
रातदिस शेतात राबून 
त्याला एकवेळची भाकरी ही पचत नाही...
शेतीवर कविता लिहीन म्हणतो
पण शब्द काही सुचत नाही
एक बाप राब-राब राबतो शेतात
पण काळं कुत्रं ही त्याला पुसत नाही

सांगीन म्हणतो मी ही शेतकऱ्याची व्यथा
पण ऐकेल का कोणी इथे त्याची दारुण कथा?
'शेतकऱ्याचे जीणे म्हणजे 
फक्त एक कथा नाही ती एक गाथा आहे'
'दुष्काळाला कंटाळून मरणाला कवटाळून 
फासापुढे झूकणारा तो एक माथा आहे'
मॉल मध्ये टीप मोजणारे आम्ही
मंड्यांमध्ये भाव करताना 
त्याचे कष्ट कसे दिसत नाही?
शेतीवर कविता लिहीन म्हणतो
पण शब्द काही सुचत नाही
एक बाप राब-राब राबतो शेतात
पण काळं कुत्रं ही त्याला पुसत नाही

पाहतो मी स्वप्न 
की एक दिवस माझी कविता पूर्ण होईल
पाऊस पडो वा न पडो पीक होवो वा न होवो
शेतात राबणारा बाप माझा 
आनंदाची गाणी गायील
अंगावर कापड, ताटात भाकर, 
रहायला निवारा असेल
सुखी जीवन जगत असताना 
डोक्यावर कर्जाचा मारा नसेल
अपूर्ण असलेली 'आरडीएच' ची कविता 
तोवर पूर्ण काही होत नाही...
शेतीवर कविता लिहीन म्हणतो
पण शब्द काही सुचत नाही
एक बाप राब-राब राबतो शेतात
पण काळं कुत्रं ही त्याला पुसत नाही
======================

कवी : ©राजेश डी. हजारे 'आरडीएच'
आमगाव जि. गोंदिया
भ्रमणध्वनी क्र.: ०७५८८८८७४०१
रचना दिनांक: १८-१९ फेब्रुवारी २०१७ (शनिवार-रविवार) (१२.३५ मध्यरात्री/०६.१५ सायंकाळ)

  • काव्यवाचन



  1. तीसरे अ.भा. मराठी शेतकरी साहित्य संमेलन , गडचिरोली (२५-२६ फेब्रुवारी २०१७ )
  2. काव्यप्रेमी मंच काव्यमहोत्सव, अक्कलकोट जि. सोलापूर (मे  २०१७ )
  3. संवैधानिक भारत राष्ट्र निर्माण अभियानांतर्गत ओबीसी सेवा संघ पुरस्कृत ६ वे राज्यस्तरीय ओबीसी साहित्य संमेलन, रविवार दि. १८ नोव्हेंबर २०१८ (तिगाव ता. आमगाव जि. गोंदिया)
  • सहभाग:
  1. शब्दविद्या राज्यस्तरीय महाकाव्यस्पर्धा  (शेतीमाती )
  2. विदर्भ शब्दविद्या राज्यस्तरीय काव्यस्पर्धा , २६ ऑगष्ट २०१८ (परीक्षक: हनुमंत चांदगुडे )
अपडेट: २३ डिसेंबर २०१८ , रविवार (राष्ट्रीय शेतकरी दिवस)

Wednesday, 15 August 2018

'SMS पाठवल्याने माणूस राष्ट्रप्रेमी होतो का?'

प्रिय भारतीय बहिणी व भावांनो ..! आज १५ ऑगस्ट २०१८. भारताचा ७२ वा  स्वातंत्र्य दिन... भारताला स्वातंत्र्य मिळून ७१ वर्षे झालीत. आपण ७१ वर्षाँपासून मोठ्या थाटात स्वातंत्र्य दिन साजरा करतो. अवघा भारत देश अगदी देशभक्तीच्या उल्हासात या दिवशी ऊर्मीत येतो. १५ ऑगस्ट जातो आणि मग देशाची परिस्थिती व भारतीयांची देशभक्ती पहावयास मिळते ती 'जैसे थे!' अशीच देशभक्ती आम्हा भारतीयांमध्ये वर्षात परत जागृत होते ती २६ जानेवारी रोजी. आणि यानंतरही जर कधी ती निर्माण झालीच तर कुण्या समाजसेवकाने क्रांतीची मशाल पेटविल्यास; पण आता तर ते ही कमी झालंय... काय आपण खरंच राष्ट्रीय सण (स्वातंत्र्य व प्रजासत्ताक दिन) साजरे करतो.. !

राष्ट्रीय सणांचा अर्थ काय? कशासाठी साजरे केले जातात राष्ट्रीय सण?